منتديات قمبراتنا

مرحبا بك فى منتديات قمبراتنا
اذا كانت هذه زيارتك الاولى فشرفنا بتسجيل عضويتك

منتتديات قمبراتنا ,,, منتدى عام ومفتوح للجميع
نعمل على تحقيق اسمى آيات الترابط الاجتماعى ..
,,, مشاركتك تهمنا,,,

مع كل الود .... ادارة المنتدى
منتديات قمبراتنا

من أجلك وطنى الصغير ... منتدي مفتوح للجميع


    حنيه وشجن

    شاطر
    avatar
    محمد الجعلى محمد
    Admin

    عدد المساهمات : 78
    تاريخ التسجيل : 24/03/2010
    العمر : 29
    الموقع : الخرطوم

    حنيه وشجن

    مُساهمة من طرف محمد الجعلى محمد في الثلاثاء أبريل 06, 2010 9:05 am

    يالمشتهنك وفي غيابك بالنا بيك ضم انشغل
    والنوم وراك يبقالن شر فارق عيونا خلاص رحل

    ضايقين متين ترجع تعود نسال متين قطرك يصل
    حارسين شويفعنا البجيب لينا البشارة يجيب امل
    يجري ويناهد من بعيد شايلو شنطة وبي عجل
    يفرح يقول خليتو جاي وراي يسالم في الاهل

    والساعة ديك عاد البلد تنجارا قاصداك يا السمح
    والناس توسوس لي بعض ي داك وصل والله صح
    حتي الكان محزون وباكي اليلي عاد هش وفرح
    بي يوم رجوعك يا حبيب روحنا تب يبرا الجرح

    والساقي بعد العنكبوت الفوق حطيبا خلاص بنا
    بعد الكاءبة ومسحة الحزن العليها مهيمنا
    مرقت تلاقيك زي عروس متعطرة ومتزينة

    جدولنا من بعد اليباس الكان موجع تقنتو
    بعد السنين العاشا في بعدك بيكتم انتو
    بلقاك فرح جاك زي عريس يادوب جديدج بي حنتو

    والقمري من بعد الالم والحسرة والنوح والجراح
    جفنو من بعد الدموع العاشا يادوب استراح
    رسل غنيواتا حنان في نشوة صفق بالجناح
    فوق السبيط زوزا ورقص طربان يزغرد للصباح

    واوتار طنابيرنا البت يا حبي في غيبتك ترن
    وحلفت محال ما تجيب نغم يسعد قلوبنا ويفرحن

    عادت هي متل ايام زمان تفرح نفوسنا وتبهجن
    avatar
    آية أحمد عبدالله

    عدد المساهمات : 65
    تاريخ التسجيل : 12/04/2010
    العمر : 22
    الموقع : منتدى احلام البنات

    رد: حنيه وشجن

    مُساهمة من طرف آية أحمد عبدالله في الإثنين أبريل 12, 2010 11:01 am

    شكرا للقصيدة الرائعة الاستاذ محمد


    $$$$$ $$$$$ $$$$$$

      الوقت/التاريخ الآن هو الأحد ديسمبر 17, 2017 2:34 pm